چند دنوں قبل اسپیشل سیل شرجیل کو لینے آسام گئی تھی لیکن کورونا سے متاثر ہونے کی وجہ سے شرجیل امام کو دہلی نہیں لایا جاسکا تھا۔
شرجیل امام پر الزام ہے کہ اس نے ایک مخصوص طبقے کے لوگوں کو بڑے شہروں میں جانے والی شاہراہوں پر ٹریفک جام کی کال دی تھی۔
اس پورے معاملے کو لے کر دہلی پولیس کی اسپیشل سیل تحقیقات کررہی ہے۔کورٹ کی جانب سے اسپیشل سیل کو شرجیل امام کا ریمانڈ بھی مل گیا تھا، اور اسپیشل سیل کی ٹیم اسے لینے کے لیے آسام گئی تھی، لیکن کورونا متاثر ہونے کی وجہ سے ریمانڈ نہیں مل سکا، اب اس کے ٹھیک ہوجانے کے بعد آسام پولیس کی ایک ٹیم شرجیل امام کو لے کر دہلی پہنچی ہے، جہاں کورٹ کے توسط سے اسپیشل سیل کو سونپا جائے گا۔
واضح رہے کہ شرجیل امام کے خلاف دہلی پولیس کے اسپیشل سیل نے ان لاء ایکٹیویٹیز پریوینشن ایکٹ( یو اے پی اے) کے تحت مقدمہ درج کیا ہے۔
شرجیل امام نے شہریت ترمیمی قانون کی مخالفت میں ایک ریلی میں متنازع بیان دیا تھا۔
