ریاست ہریانہ کے ضلع نوح میں اس سلسلے میں ایک ثقافتی پروگرام منعقد ہوا۔
اس پروگرام میں مہمان خصوصی کے طور پر پرتھلا سے رکن اسمبلی نین پال راوت نے شرکت کی۔
وزیراعلی منوہر لال کھٹّر نے ویڈیو پروگرامنگ کے ذریعے ریاست کے تمام ضلعوں کی خواتین سے خطاب کیا۔ انہوں نے کہا کہ خواتین کے تحفظ کے لیے دُرگا ایپ اور درگا واہنی بنائی گئی ہے۔
انہوں نے کہا کہ ریاست میں تین لاکھ 90 ہزار اسٹریٹ لائٹ اور دو لاکھ سے زیادہ سی سی ٹی وی کیمرے لگائے جا رہے ہیں خواتین کی تعلیمی ترقی کے لیے حکومت نے ہر 20 کلومیٹر پر کالج بنانے کا کام کیا ہے۔ تاکہ انہیں دور نہ جانا پڑے اور خواتین ہر لحاظ سے محفوظ رہیں۔
رکن اسمبلی نین پال راوت نے کہا کہ ہریانہ حکومت نے خواتین کے ترقی کے لئے، خواتین کی تحفظ کیلئے اور صحت و تعلیم کیلئے مختلف قابل تعریف اقدامات کئے ہیں۔
انہوں نے کہا کہ آج وزیر اعلی نے ریاستی سطح پر خواتین کے لئے غذائیت پر پندرہ روزہ پروگرام کا آغاز بھی کیا ہے۔جو 22 مارچ تک جاری رہے گا۔
اس موقع پر ڈپٹی کمشنر پنکج یادو سی ای او ضلع پریشد پردیپ، ڈی ایس پی انیل کمار، ضلع تعلیم افسر سورج بھان ڈی ای او ندیم اختر،ضلع پرمکھ انیسا بانو اور محکمہ ترقی برائے خواتین اور اطفال کے افسران سمیت نوح ضلع کی 327 پنچائتوں کی خواتین موجود رہیں۔
