جسٹس آر بھانو متی کی صدارت والی خصوصی بینچ نے یہ کہتے ہوئے عرضی پر سماعت پانچ مارچ تک کے لیے ملتوی کر دیا کہ مجرمین کو تین مارچ کو پھانسی دی جانی ہے۔ اس لیے وہ ڈیتھ وارنٹ کے عمل میں آنے کا انتظار کرے گی۔
مرکزی حکومت نے ہائی کورٹ کے اس فیصلے کو چیلینج کیا ہے جس میں اس نے کہا ہے کہ چاروں مجرمین کو الگ الگ پھانسی نہیں ہوسکتی۔
واضح رہے کہ دہلی ہائی کورٹ نے بدھ کو اپنے فیصلے میں کہا کہ 'نربھیا کے چاروں قصورواروں کو الگ الگ وقت پر پھانسی نہیں دی جاسکتی جبکہ مرکزی حکومت نے اپنی عرضی میں کہا تھا کہ جن قصورواروں کی عرضی کسی بھی فورم میں التوا میں نہیں ہے انہیں پھانسی پر لٹکایا جائے۔
ایک قصوروار کی عرضی التوا میں ہونے سے دوسرے قصورواروں کو راحت نہیں دی جاسکتی۔
