نمو چینل کے تعلق سے بی جے پی کا اعتراف

پہلی بار بی جے پی نے اعتراف کیا ہے کہ نمو ٹی وی چینل اس کا ہی ہے۔

بی جے پی آئی ٹی سیل کے سربراہ امت مالویہ نے انگریزی اخبار انڈین ایکسپریس سے بات چیت میں اس بات کا اعتراف کیا ہے۔

واضح رہے کہ اے بی پی نیوز چینل سے انٹرویو کے دوران جب وزیراعظم نریندر مودی سے اس چینل کے بارے میں پوچھا گیا تھا تو انہوں نے اس چینل کے بارے میں کوئی بھی جانکاری ہونے سے انکار کر دیا تھا۔

مالویہ کا بیان پی ایم مودی پر تیار کی گئی بائیوپک پر پابندی عائد کرنے کے بعد آیا ہے۔

واضح رہے کہ نمو ٹی وی پر چوبیس گھنٹے مودی کی تقریر اور ریلیز کا کوریج دکھایا جاتا ہے۔

یہ چینل 31 مارچ کو لانچ ہوا ہے۔