ناگا معاہدے کو ابھی تک حتمی شکل نہیں دی گئی ہے

حکومت نے آج واضح کیا کہ ابھی تک ناگا معاہدے کو حتمی شکل نہیں دی گئی ہے اس سلسلے میں آنے والی تمام رپورٹس افواہوں اور غلط معلومات پر مبنی ہیں۔

وزارت داخلہ نے آج کہا کہ حکومت کو اطلاع ملی ہے کہ سوشل میڈیا سمیت مختلف ذرائع کے ذریعے سے یہ خبر پھیلائی جارہی ہے،کہ ناگا معاہدہ کو حتمی شکل دے دی گئی ہے، اور جلد ہی اس کا اعلان کردیا جائے گا۔

ناگا معاہدے کو ابھی تک حتمی شکل نہیں دی گئی ہے

وزارت نے کہا کہ افواہوں پر مبنی یہ اطلاعات لوگوں میں اضطراب کا باعث بنی ہے اور ملک کے کچھ حصوں میں تشویش کا اظہار کیا جارہا ہے۔وزارت نے واضح کیا کہ ناگا تنظیموں کے ساتھ کسی بھی معاہدے سے قبل آسام ، منی پور اور اروناچل پردیش سمیت تمام فریقوں سے بات چیت کی جائے گی اور ان کے خدشات کو دور کیا جائے گا۔ لوگوں کو ان افواہوں اور غلط معلومات پر دھیان نہیں دینا چاہئے