ویلفیئر پارٹی آف انڈیا کے قومی صدر اور آل انڈیا مسلم پرسنل لا بورڈ کے کنوینر سید قاسم رسول الیاس نےکارکنان سے خطاب کرتے ہوئے کہا کہ مسلمانوں کو سیاست میں بھی اہم رول ادا کرنا چاہیے بغیر سیاست میں آئے قوم کی صحیح نمائندگی نہیں کرسکتے۔ انہوں نے کہا کہ موجودہ حالات میں جس طرح سے ایک مذہب کے لوگ ملک کی سیاست پر قابض ہے اور اپنے نظریات عوام پر تھوپ رہے ہیں وہ ملک کے لیے ٹھیک نہیں ہے۔ Welfare Party of India Foundation Day
قاسم رسول الیاس نے کہا کہ ملک کے حالات انتہائی خطرناک ہیں یہی وجہ ہے کہ آر ایس ایس اور ہندو سخت گیر کے لوگ بے لگام ہوگئے ہیں اور ایک مخصوص طبقے کو آئے دن پریشان کیا جارہا ہے اور ان کی آواز کو دبایا جارہا ہے۔ ملک میں فرقہ پرستی بڑھ گئی ہے اس کی تازہ مثال مدھیہ پردیش کے کھرگون، جواہر لعل نہرو یونیورسٹی میں رام نومی کے موقع پر نان ویج کھانے کے تعلق سے تصادم اور پھر ہنومان جینتی کے موقع پر جہانگیر پوری میں شوبھا یاترا کے نام پر مسلمانوں کو پریشان کرکے تشدد پیدا کرنے جیسے واقعات ہیں۔
- یہ بھی پڑھیں: Jahangirpuri Violence: جہانگیر پوری تشدد معاملہ میں پانچ ملزمان پر لگا این ایس اے ایکٹ
قاسم رسولا لیاس نے کہا کہ اگر ہم چاہتے ہیں کہ ملک ترقی کرے اور ہندو۔مسلمان کے درمیان بھائی چارہ اور ہم آہنگی برقرار رہے تو سیاسی پارٹی سے زیادہ سے زیادہ لوگ جڑیں تاکہ ہم اعلیٰ عہدوں پر پہنچ کر ملک کی تہذیب کو بچاسکیں۔ انہوں نے جہانگیر پوری تشدد پر افسوس کا اظہار کرتے ہوئےکہا کہ رمضان المبارک کا مقدس مہینہ چل رہا ہے اور پولیس یکطرفہ کارروائی کررہی ہے جو باعث تشویش ہے۔ جو بھی اس میں ملوث ہے اس کی صحیح سے تحقیقات کرکے کارروائی کی جائے۔
