قومی دارالحکومت دہلی کے چاندنی چوک میں واقع تاریخی فتح پوری مسجد کے شاہی امام مفتی مکرم احمد نے کہا کہ ملک میں رواں برس یکم اگست کو عید الاضحیٰ منائی جائے گی اور میں حکومت سے اپیل کرتا ہوں کہ جس طرح ہر سال عید الاضحیٰ پر انتظامات کئے جاتے تھے اس برس بھی اسی طرح کے انتظامات کئے جائیں تاکہ مسلمان عید کی نماز اور قربانی کر سکیں۔
شاہی امام مفتی مکرم احمد
انہوں نے کہا کہ 'میری حکومت سے یہ بھی اپیل ہے کہ وہ لوگوں پر نظر رکھے اور اور اگر کہیں کوئی پریشانی کھڑی کرے تو علاقے کی انتطامیہ ان پر کنٹرول کرے تاکہ امن و امان قائم رہے۔
مفتی مکرم احمد نے مسلمانوں سے بھی اپیل کرتے ہوئے کہا کہ ' عید کی نماز پڑھنے اور قربانی کرتے وقت حکومت کی جانب سے جاری کردی گائیڈ لائنز کو بھی ذہن میں رکھیں اور اگر طرح کی کوئی پریشانی ہو تو وہ علاقے کی انتظامیہ سے بات کرکے معاملے کا حل تلاش کریں۔
