'عوام پوری طرح سے مودی جی کے ساتھ ہے'

مرکزی وزیر مہندر سنگھ نے کہا کہ 'عوام وزیر اعظم مودی اور امت شاہ کے ساتھ ہے اور پارٹی دہلی انتخابات میں جیت درج کرے گی۔'

ریاست اترپردیش کے مرادآباد کے سرکٹ ہاؤس پہنچے کابینی وزیر مہندر سنگھ نے پریس کانفرنس کو خطاب کیا۔

انہوں نے کہا 'بھارتیہ جنتا پارٹی دہلی میں حکومت پنانے جا رہی ہے، عوام پوری طرح سے مودی جی اور امت جی کے ساتھ ہے جیسے ملک بدلا ویسے ہی دہلی بھی بدلے گی'۔

انہوں نے مزید کہا 'جو منصوبے مرکزی حکومت نے شروع کیے ہیں وہ منصوبے کیجریوال نے دہلی میں شروع نہیں کیے جیسے ایوشمان منصوبہ پردھان منتری آواس یوجنا منصوبہ وغیرہ'۔

کانگریس پر حملہ بولتے ہوئے کابینی وزیر مہندر سنگھ نے کہا 'جو پاکستان بولتا ہے وہیں کانگریس بولتی ہے پاکستان نے دفعہ 370 کی مخالفت کی، کانگریس بھی دفعہ 370 کی مخالفت کر رہی ہے، شہریت ترمیمی قانون کی مخالفت پاکستان کرتا ہے اور کانگریس بھی کر رہی ہے، کانگریس پارٹی پاکستان کے ساتھ ہے۔

اسی طرح بے جی پی کے دوسرے رہنماوں نے بھی دہلی انتخابات کے سلسلے میں انتخابی ریلیوں سے خطاب کرتے ہوئے کیجریوال اور کانگریس پر ایسے الزام عائد کیے تھے۔