نئی دہلی: مرکزی وزارت داخلہ نے بدھ کو دو افراد کے پارلیمنٹ کی سیکورٹی کی خلاف ورزی کرنے اور وزیٹرز گیلری سے ایوان میں چھلانگ لگانے کے معاملے کی تحقیقات کے لیے سنٹرل ریزرو پولیس فورس (سی آر پی ایف) کے ڈائریکٹر جنرل انیش دیال سنگھ کی سربراہی میں ایک کمیٹی تشکیل دی ہے۔ وزارت داخلہ کے مطابق یہ انکوائری کمیٹی لوک سبھا سکریٹریٹ کی درخواست پر تشکیل دی گئی ہے۔ انیش دیال سنگھ کے علاوہ دیگر سیکورٹی ایجنسیوں کے ارکان اور کچھ دیگر ماہرین کو بھی کمیٹی میں شامل کیا گیا ہے۔
-
MHA orders probe into Parliament security breach
— ANI Digital (@ani_digital) December 13, 2023 " class="align-text-top noRightClick twitterSection" data="
Read @ANI Story | https://t.co/C8vOi7WL6b#MHA #Parliament #SecurityBreach pic.twitter.com/7fs9SYwThC
">MHA orders probe into Parliament security breach
— ANI Digital (@ani_digital) December 13, 2023
Read @ANI Story | https://t.co/C8vOi7WL6b#MHA #Parliament #SecurityBreach pic.twitter.com/7fs9SYwThCMHA orders probe into Parliament security breach
— ANI Digital (@ani_digital) December 13, 2023
Read @ANI Story | https://t.co/C8vOi7WL6b#MHA #Parliament #SecurityBreach pic.twitter.com/7fs9SYwThC
وزارت کے مطابق انکوائری کمیٹی پارلیمنٹ کی سیکیورٹی میں وجوہات اور کوتاہیوں کا پتہ لگائے گی اور مزید کارروائی کی سفارش کرے گی۔ کمیٹی جلد از جلد اپنی رپورٹ پیش کرے گی اور پارلیمنٹ کے سیکیورٹی انتظامات کو مزید بہتر بنانے کے لیے تجاویز بھی دے گی۔
واضح رہے کہ بدھ کو جب لوک سبھا کی کارروائی چل رہی تھی کہ اچانک دو افراد وزیٹرز گیلری سے ایوان میں کود پڑے جن کے ہاتھوں میں کلر بم تھا جس سے پیلا دھواں نکل رہا تھا۔ ان دو لوگوں کے ایوان میں کود پڑتے ہی ارکان پارلیمنٹ نے انہیں پکڑ لیا۔ جس کے فورا بعد انہیں سکیورٹی اہلکاروں کے حوالے کر دیا گیا۔
مزید پڑھیں: پارلیمنٹ کے حفاظتی انتظامات کا اعلیٰ سطحی جائزہ لیا جائے گا: لوک سبھا اسپیکر
اسی معاملے پر سیاسی رہنماؤں بالخصوص ارکان پارلیمنٹ نے مختلف رد عمل کا اظہار کرتے ہوئے پارلیمنٹ کی سکیورٹی پر تشویش کا اظہار کیا۔ اور کہا کہ پارلیمنٹ کی سکیورٹی میں سنگین کوتاہی اسی دن ہوئی جس دن پرانی پارلیمنٹ پر حملہ ہوا تھا۔ جو انتہائی قابل تشویش بات ہے۔
یو این آئی
