ضلع مظفر نگر کے قصبہ بڑھانہ میں آج دارالعلوم دیوبند کے صدر مدرس وجمعیۃ جمیعت علماء ہند کے قومی صدر مولانا سید ارشد مدنی نے مدرسہ دارالقرآن شاہی کا سنگ بنیاد رکھا اور امن کی دعائیں کیں۔
یہ سنگ بنیاد قصبہ کی اُسی کالونی میں رکھاگیا ہے جہاں 2013 کے فرقہ وارانہ فساد کے متاثرین رہائش پذیر ہیں۔ یہیں جمعیۃ علماء نے 2014 میں ان لوگوں کے لیے پختہ مکانات تعمیر کرائے تھے۔
اطلاع کے مطابق آج دوپہر تقریباً 3 بجے مولانا مدنی مذکورہ کالونی میں پہنچے، جہاں بزرگ عالم دین مولانا عمران حسین پوری، شہر صدر حافظ شیردین اور کنوینر آصف قریشی سمیت علماء، سماجی کارکنان اور شہریوں نے ان کا استقبال کیا۔
تقریب کی دوسری نشست میں حافظ شیردین، حافظ اللہ مہر صدیقی نے بھی بیان کیا۔ آصف قریشی اور حافظ تحسین رانا(مہتمم ادارہ)نے حاضرین کا شکریہ ادا کیا۔ شرکاء میں مفتی وسیم مولانا شعیب، حافظ راشد،مفتی یامین، اسلام سیفی، مولانا آصف، حافظ ندیم، راشد منصوری، محمد اسلام سیفی، مولانا سالم، حافظ کامل، حافظ افسرون، حافظ نعیم، نوید بھائی، محمد شاہد قریشی، زاہد حسن، ندیم علی، محمد ارشد، محمد سمیر وغیرہ کے نام قابل ذکر ہیں۔
