نئی دہلی: سابق وزیر اعظم ڈاکٹر منموہن سنگھ کو جمعرات کو انورت ایوارڈ سے نوازا جائے گا۔ بدھ کو یہاں یہ اطلاع دیتے ہوئے انورت وشو بھارتی سوسائٹی کے صدر سانچے جین نے کہا کہ یہ انورت تحریک کا سب سے بڑا ایوارڈ ہے۔ ڈاکٹر سنگھ کو یہ ایوارڈ ذاتی زندگی میں سادگی اور عفت نیز اخلاقی اور انسانی اقدار کے فروغ میں ان کی تعمیری شراکت کے لیے دیا جا رہا ہے۔
انہوں نے کہا کہ اس سے قبل یہ ایوارڈ 26 ممتاز شخصیات کو دیا جا چکا ہے۔ ان میں گلزاری لال نندا، ڈاکٹر آتمارام، جینندر کمار، شیواجی بھاوے، ایل کے اڈوانی، شیوراج پاٹل، ٹی این شیشن اور پرکاش آمٹے کا نام قابل ذکر ہے۔ Anuvrat Award to Manmohan Singh
مزید پڑھیں:
جین نے کہا کہ ڈاکٹر سنگھ کو 1.5 لاکھ روپے کا نقد انعام اور ایک توصیف نامہ اور شال دی جائے گی۔ انہوں نے کہا کہ انہیں یہ ایوارڈ کل ان کی رہائش گاہ پر پیش کیا جائے گا۔ واضح رہے کہ انورت تحریک کی بنیاد جین آچاریہ تلسی نے سماج اور فرد کی زندگی میں تحمل، عفت اور عدم تشدد کی اقدار کو لانے کے لیے رکھی تھی۔
یو این آئی۔
