دارالحکومت دہلی میں نائب وزیر اعلیٰ منیش سسودیا نے بھارتیہ جنتا پارٹی پر ایک بڑا الزام عائد کیا ہے۔ عام آدمی پارٹی کی جانب سے یہ الزام لگایا گیا ہے کہ بی جے پی کارکنان نے جمعرات کے روز دہلی کے نائب وزیر اعلی منیش سسودیا کی رہائش گاہ کے باہر زبردستی احتجاج کیا۔ اس دوران انہوں نے سکیورٹی میں لگے پولیس اہلکاروں کے ساتھ بھی دھکا مُکی کی۔'
اس ضمن میں نائب وزیر اعلی منیش سسوڈیا نے کہا، 'میری غیر موجودگی میں بی جے پی کے غنڈوں میرے گھر کے دروازے کو توڑ کر اندر داخل ہو گئے اور میری بیوی اور بچوں پر حملہ کرنے کی کوشش کی۔'
بی جے پی کارکنان زبردستی دروازے توڑ کر گھر کے اندر داخل ہوئے: منیش سسودیا
وہیں منیش سسودیا نے امت شاہ کو ٹویٹر پر ٹیگ کرتے ہوئے کہا کہ 'امت شاہ جی، آج آپ دہلی میں سیاست میں ہار گئے ، تو اب اس طرح سے ہمیں نپٹائیں گے؟'
