منالی لیہ مارگ ایک بار پھر گاڑیوں کی آمدورفت کے لیے بند کردی گئی ہے، حالانکہ گذشتہ دنوں تھوڑی دیر کے لیے راستہ کھولا گیا تھا اور گاڑیوں کو روانہ کیا گیا تھا۔
وہیں، تازہ برف باری کے سبب منالی لیہ روڈ ایک بار پھر بند ہوگئی ہے۔ وادی لاہول میں شدید برف باری کے باعث ایچ آر ٹی سی بس سروس بند کردی گئی ہے۔ اس کے علاوہ منالی سے اٹل سرنگ تک جانے والی سڑک بھی برف کی وجہ سے بھر گیا ہے۔
یاد رہے کہ گذشتہ دنوں چار تا پانچ فٹ برف ہونے سے بی آر او نے رات میں مائنس درجہ حرارت میں بڑی مشقت کے بعد ہائی وے 3 کو بحال کیا گیا تھا۔ ایسے میں منالی کی طرف سے دارچہ میں 16 دنوں سے پھنسے 100 سے زائد ٹرک اور لیہ کی طرف سے اوپشی نام کی جگہ پر پھنسے 59 چھوٹی گاڑیوں کے ڈرائیوروں نے راحت کی سانس لی تھی۔
اس میں لیہ سے منالی آرہی چھوٹی گاڑیوں کو سب سے پہلے اوپشی سے بھیجا گیا، جو منالی پہنچ گئی ہے۔ منگل کے روز صبح دارچہ میں، سبزی، سیمنٹ، سریا اور اینٹوں کو لے کر لیہ جانے والے 100 سے زیادہ ٹرک سمیت 150 گاڑیوں کو دارچہ سے بھیجا گیا۔
دیر شام پھر سے باراچالا کے آس پاس برفباری سے مارگ بند ہوگیا۔ ایچ آر ٹی سی کیلانگ ڈپو کے ریجنل منیجر منگل چند منیپا نے بتایا کہ برف باری کے باعث وادی میں بس سروس بدھ کے روز سے بند کردی گئی ہے۔
