لاک ڈاؤن: عآپ دہلی میں غریبوں اور مزدوروں کی مدد میں مصروف

کورونا وائرس کے پیش نظر ملک بھر میں لاک ڈاون نافذ ہے، اس وجہ سے لاکھوں کی تعداد میں غریب مزدور کھانا نہ ملنے کی وجہ سے پریشان ہیں۔

ملک بھر میں 21 روز کے لاک ڈاؤن کے پیش نظر مزدوروں کی ضروریات کو پورا کرنے کے لیے دہلی حکومت وہ سارے اقدامات کر رہی ہے جو فی الوقت ضروری ہیں تاکہ مزدوروں کو کھانا اور رہنے کی جگہ مل سکے۔

غریب اور مزدورں کے لیے دہلی کے سرکاری اسکولوں میں ناشتے سے لے کر رات کے کھانے تک سارے انتظام کیے گئے ہیں، اور حکومت کی کوشش ہے ہے کہ کوئی اس لاک ڈاؤن میں کھانے کی وجہ سے اپنی جان نہ گوائے۔

حکومت کی اس پہل کا خیر مقدم کرتے ہوئے امبیدکر نگر کانسٹیٹونسی کے رکن اسمبلی اجے دت نے ان سرکاری اسکولوں کا دورہ کیا جہاں غریبوں میں کھانا تقسیم کیا جا رہا تھا۔

اجے دت نے ای ٹی وی بھارت سے بات کرتے ہوئے کہا 'کوئی انفیکشن نہ پھیلے اس لیے کھانا پروسنے والے سبھی افراد نے ماسکس اور دستانے پہن رکھے ہیں'۔

انہوں نے کہا 'سوشل ڈسٹینسنگ کو مد نظر رکھتے ہوئے لوگوں کو دور دور بٹھایا جا رہا ہے، اس کے علاوہ میں نے راشن کہ ہر دکان کا دورہ کیا ہے اور کسی بھی دکان میں راشن کی کمی نہیں ہے'۔

اجے دت نے دہلی کی عوام سے کہا کہ راشن کی کوئی کمی نہیں ہے اور وہ دہلی کی عوام سے اپیل کرتے ہیں کہ لوگ اپنے گھروں میں ہی رہیں اور حکومت کی حدایات پر عمل کریں۔