لاک ڈاؤن سے متعلقہ مسائل حل کرنے کے لئے دہلی پولیس کی جانب سے ہیلپ لائن نمبر 23469526 جاری کیا گیا۔ جس پر دہلی پولیس کو اب تک 21 ہزار 522 کالز موصول ہوئی ہیں۔
اگر آپ گزشتہ 24 گھنٹوں کی بات کریں تو گزشتہ 24 گھنٹوں کے دوران اس ہیلپ لائن نمبر 2346952 پر کل 888 کالز موصول ہوئی ہیں۔
دہلی پولیس کے ایک عہدیدار نے بتایا کہ گزشتہ 24 گھنٹوں کے دوران ہیلپ لائن نمبر پر 61 کالز دہلی کے باہر سے متعلق تھیں، جن کو متعلقہ ریاستوں کے ہیلپ لائن نمبر پر بھیجا گیا ہے۔
21 کالز کا تعلق نو فوڈ نو منی سے تھا، جو براہ راست اس کے پتے پر راحت کے لئے مختلف این جی اوز کو بھجوا دیا گیا ہے۔ 3 کالز میڈیکل پر مبنی تھیں جنہیں مناسب مشورے کے ذریعے حل کیا گیا تھا۔
646 کالز موومنٹ پاس سے متعلق تھے جس میں کال کرنے والوں کو آن لائن درخواست دینے کا مشورہ دیا گیا تھا۔
دہلی پولیس کے ایک عہدیدار نے بتایا کہ لاک ڈاؤن کے دوران 400 سے زائد غیر سرکاری تنظیموں کی مدد سے دہلی کے تمام 15 اضلاع میں فوڈ ڈیلیوری نیٹ ورک قائم کیا گیا ہے۔
اس کے ذریعے آج دہلی کے 250 مقامات پر 2 لاکھ 93 ہزار 85 افراد کو کھانا کھلایا گیا تھا اور بابا ہریداس نگر کالونی ٹکری بارڈر علاقے میں 2 ہزار افراد میں ایک خشک راشن کٹ بھی تقسیم کیا گیا تھا۔
