لاک ڈاؤن سے پریشان کولکتہ کے نوجوان کی دہلی میں خودکشی

ملک بھر جاری لاک ڈاون کے سبب جہاں ایک طرف اسے کورونا وائرس پر قابو پانے کے سلسلے میں ایک اہم سنگ میل بتایا جا رہے تو ہیں دوسری جانب تلاش معاش کے سلسلے میں اپنے گھروں سے دور مزدور کافی پریشان ہیں۔لاک ڈاون سے پریشان ہوکر کولکاتہ کے ایک نوجوان نے دہلی میں خود کشی کرلی ہے۔

ملک میں بڑھتے ہوئے کورونا وائرس کے بڑھتے اثرات قابو پانے کے لئےلاک ڈاؤن کا نفاذ کیا گیا ہے۔ اس کے نفاذ کے بعد عام لوگوں کی زندگی مفلوج ہوکر رہ گئی ہ لوگ گھروں میں رہ کر اور غذا کی عدم دستیابی کے سبب شدید ذہنی تناؤ کا شکار ہو رہے ہیں۔ اسی کورونا کے خوف ، اور نفسیاتی دباؤ کے باعث ایک نوجوان نے پھندہ لگا کر خود کشی کر لی۔

بربن نامی نوجوان ، جو کولکتہ کا رہائشی ہے ، دہلی میں مزدوری کرتا تھا۔ مہلوک کا بھائی غازی پور فش مارکیٹ میں کام کرتا ہے۔ہلاک شدہ شخص کے بھائی نے بتایا کہ ملک میں کورونا وبا کی وجہ سے جاری لاک ڈاؤن کے دوران اس کے بھائی پر بہت زیادہ دباؤ تھا اور وہ ماں کو بہت یاد کررہا تھا۔ بس اسی وجہ سے ، اس نے ڈیری فارم میں واقع اپنے کمرے کے اندر پنکھے سے لٹک کر خودکشی کرلی۔مکان مالک نے پولیس کو اطلاع دی جس کے بعد پولیس نے لاش کو اسپتال پہنچایا اور پوسٹ مارٹم کے بعد لاش عزیزوں کے حوالے کردیا۔ پولیس نے معاملہ کی تحقیقات کا آغاز کر دیا ہے۔جیسے ہی فش مارکیٹ کے کارکن کو اس واقعہ کی اطلاع ملی اس کے بعد تاجر یناور مارکیٹ کے مالک اورڈیری فارم کے لوگوں نے نوجوان کی میت کو اس کے آبائی گاؤں کولکتہ بھیجنے کے لئے ایک ایمبولینس کا بندوبست کیا اور متاثرہ افراد کے اہل خانہ کی مدد کے لئے قریب 38 ہزار روپے اکٹھے کیے۔۔