دارالحکومت دہلی میں کورونا کے انفیکشن میں لگاتار اضافہ ہو رہا ہے۔ گزشتہ 24 گھنٹوں کے دوران کورونا کے 22 نئے رپورٹ آئے ہیں، جن میں 9 کیس تبلیغی مرکز کے تھے۔ وہیں مرکز سے جڑے کل 329 کورونا مثبت کیسز کے ساتھ دہلی میں 525 کورونا مریض ہو چکے ہیں۔
دہلی حکومت کورونا انفیکشن کے ان بڑھتے ہوئے تعداد سے پریشان ہے اور وزیر اعلی کیجریوال خود اس سے نجات پانے کی کوشش میں مصروف ہیں۔ اس سلسلے میں دہلی حکومت نے اب ایک بڑی حکمت عملی بنائی ہے اور کورونا کے خلاف پانچ نکاتی منصوبہ بنایا ہے۔ وزیر اعلی کیجریوال منگل کی سہ پہر ایک بجے اس کا اعلان کرسکتے ہیں۔
گذشتہ روز وزیر اعلی نے پریس کانفرنس میں بتایا تھا کہ اگلے کچھ دنوں میں ایک لاکھ ٹیسٹنگ کٹ آنے والے ہیں۔ یعنی دہلی حکومت کورونا ٹیسٹ میں تیزی لا رہی ہے اور اگلے کچھ دنوں میں ایک لاکھ کورونا ٹیسٹ ہونے جارہے ہیں۔
وہیں جہاں کورونا کے زیادہ تر مریض ملے ہیں، حکومت ان جگہوں پر سرسری جانچ کرے گی۔ اس کے علاوہ بڑے پیمانے پر قرنطین مراکز بھی بنائے جارہے ہیں۔
