آج جے این یو طلبا یونین کے بینر تلے طلبا کا قافلہ صدر ہاؤس کی جانب روانہ ہوارہا ہے، طلبا کے احتجاج کو دیکھتے ہوئے جے این یو کے سبھی دروازے پر بڑی تعداد میں پولیس کی نفری کو تعینات کیا گیا ہے اس کے علاوہ بابا گنگا ناتھ روڈ پر ٹریفک کی نقل حمل مکمل طریقے سے روک دی گئی ہے۔
احتجاجی طلبا کا مطالبہ ہے کہ ہاسٹل کی فیس میں جو اضافہ کیا گیا ہے اسے انتظامیہ واپس لے۔
واضح ہو کہ جے این یو کے طلبا یونین فیس میں ہوئے اضافے کے خلاف گزشتہ ایک ماہ سے احتجاجی مظاہرے کررہے ہیں طلبا کے احتجاج کے مد نظر وزارت برائے انسانی وسائل نے ایک اعلی سطحی کمیٹی بھی تشکیل دی تھی۔
اس کے علاوہ یونیورسٹی انتظامیہ کی جانب سے بھی ہائی پاور کمیٹی کی تشکیل دی گئی تھی لیکن طلبا کا احتجاج کم ہونے کے بجائے جوں کا توں ہے، احتجاج کررہے طلبا کی مانگ ہے کہ یونیورسٹی انتظامیہ اپنے فیصلے کو واپس لے۔
قبل ازین طلبا نے پارلیمان کے سرمائی اجلاس کے پہلے دن بھی احتجاجی مارچ کنالا تھا جس کے پیش نظر بھاری پولیس کی نفری کو تعینات کیا گیا تھا لیکن مشتعل طلبا نے پانچ بریکیڈ کو عبور کرنے میں کامیابی حاصل کر لی تھی اور صفدر جنگ ہہسپتال تک پہنچنے میں کامیاب ہو گئے۔
