نئی دہلی: جامعہ ملیہ اسلامیہ کے شعبہ ہندی کے پی ایچ ڈی کے طالب علم منا خالد نے پانچویں قومی پیرا بیڈمنٹن چمپئن شپ 2022-23 میں کانسے کے دو تمغے حاصل کیے۔ پیرا اولمپکس کمیٹی انڈیا اور بھارت کی بیڈ منٹن ایسو سی ایشن کے زیر اہتمام اس چمپئن شپ کو ڈاکٹر شکنتلا مشرا نیشنل ریہیبی لیٹشن یونیورسٹی اور گرو فاؤنڈیشن نے 23-26 مارچ 2023کو لکھنؤ میں منعقد کیا تھا۔ منا خالد نے سنگل مقابلے میں کانسے کا تمغہ جیتا۔ اس کے بعد اپنے ساتھی نیرج کے ساتھ ڈبلز مقابلے میں بھی ایک کانسے کا تمغہ حاصل کیا۔ اس موقع پر منا خالد نے کہا کہ ’میرا خواب بین الاقوامی سطح پر پیرا لمپکس بھارت کے لیے تمغہ حاصل کرنا ہے‘۔
جامعہ ملیہ اسلامیہ کے طالب علم منا خالد نے حال ہی میں پندرہ مارچ 2023 کو دہلی اسٹیٹ چیمپیئن شپ 2023 میں طلائی تمغہ جیتا تھا اور صوبہ دہلی کے چمپئن بنیں تھے۔اس سے قبل مناخالد نے قومی اور بین الاقوامی سطح پر متعدد طلائی، نقرئی اور کانسے کے تمغے جیت چکے ہیں۔ سردست وہ اس خاص زمرے میں دنیا میں چھبیسویں ،ایشیا میں چودہویں اور بھارت میں تیسرے مقام پر ہیں۔ پی ایچ ڈی سے قبل خالد نے جامعہ ملیہ اسلامیہ سے بی اے (آنرز ) ہندی میں ماسٹر آف سوشل ورک اور ایم اے(ہندی) کیا ہے۔
یہ بھی پڑھیں : G20 Walkathon in JMI جامعہ ملیہ اسلامیہ میں جی ٹوئنٹی واک تھان کا انعقاد
JMI Student Designed Game جامعہ کے طالب علم کے تیار گیم کو کھلونے بنانے والی کردہ کمپنی نے لانچ کیا
