'تعلیم ہے تو سوال ہے اور سوال ہے تو بوال ہے'

دارالحکومت دہلی کے جامعہ ملیہ اسلامیہ یونیورسٹی میں پولیس کی مبینہ بربریت کے بعد طلباء کے ذریعہ جاری احتجاج کو آج 16 روز گزر گئے لیکن مظاہرے اب بھی جاری ہیں۔

متنازع شہریت ترمیمی ایکٹ کے خلاف جامعہ ملیہ اسلامیہ کے طلباء کے ذریعہ شروع ہوئے احتجاج سے آج پورا ملک ساتھ کھڑا ہے۔

طلباء پر پولیس کی مبینہ بربریت سے شروع ہوا یہ احتجاجی مظاہرا ہنوز جاری ہے جہاں روز دہلی کی تمام یونیورسٹیز کے طلباء جامعہ میں جمع ہو کر اپنا اجتماعی احتجاج درج کراتے ہیں.

اس دوران طلباء حکمراں جماعت اور شہریت ترمیمی قانون کے خلاف جم کر نعرے بازی کرتے ہوئے اپنا غصہ نکالتے ہیں۔

طلباء کے مطابق مرکزی حکومت عوام کو بنیادی مدعوں سے بھٹکانے اور اپنی ناکامیوں پر پردہ ڈالنے کے لیے یہ کوشش کر رہی ہے۔

طلباء نے بتایا کہ جو حکومت سب کا ساتھ سب کا وکاس اور سب کا وشواس کے نعرے پر حکومت بنانے میں کامیاب ہوئی ہے دراصل وہ سب کو دھوکہ دے رہی ہے۔