کورونا وائرس کا خطرہ اب پارلیمنٹ تک پہنچ چکا ہے۔ بی جے پی کے رکن پارلیمان دُشینت سنگھ بالی ووڈ کی مشہور گلوکارہ کنکا کپور جو کہ وائرس سے متاثرہ ہیں، ان سے براہ راست رابطہ میں آئے اور پھر جمعرات کے روز پارلیمنٹ بھی پہنچے، جہاں انہوں نے مبینہ طور پر کئی ارکان پارلیمان سے ملاقات کی، فی الحال دشینت سنگھ اور ان کی والدہ وسندھرا راجے قرنطینہ میں چلے گئے ہیں۔
اسی کے ساتھ کانگریس رہنما جتن پرساد بھی قرنطینہ میں ہیں جو کہ کنکا کپور کی پارٹی میں گئے تھے۔ اس کے علاوہ کانگریس کے سابق رکن پارلیمان دپیندر سنگھ ہڈا جنہوں نے پارلیمنٹ کے مرکزی ہال میں دشینت سنگھ کے ساتھ ظہرانہ تناول کیا، وہ بھی قرنطینہ میں ہیں۔
غور طلب امر یہ ہے کہ کنکا پور کورونا وائرس کی جانچ میں متاثرہ پائی گئی ہیں۔ وہ 15 مارچ کو برطانیہ سے بھارت پہنچی اور لکھنؤ میں ایک پارٹی کی میزبانی کی۔ جبکہ دوسری پارٹی میں وہ خود شامل ہوئیں۔ ان پارٹیوں میں وہ ہائی پروفائل لوگوں سے ملاقات کیں۔ جس میں وزراء سمیت ارکان پارلیمان بھی شامل ہیں۔ جس میں مبینہ طور پر دشینت سنگھ شامل ہیں جو خود پارلیمنٹ پہنچے اور اس دوران انہوں نے احاطہ میں کئی لوگوں سے ملاقات کی ہوگی۔
اب سب سے بڑا سوال یہ کھڑا ہوتا ہے کہ کیا اب کورونا وائرس سے پارلیمنٹ بھی محفوظ نہیں ہے؟ آخر اب تک پارلیمانی اجلاس جاری کیوں ہے؟
