انٹرنیٹ پر اپنی زبان میں ڈومین کا نام چاہنے والوں کے لئے خوشخبری یہ ہے کہ اب وہ تمام 22 بھارتی رسمی زبانوں میں ڈومین کے نام بنا سکیں گے۔
غیر منافع بخش تنظیم 'نیشنل انٹرنیٹ ایکسچینج آف انڈیا' (نیکسی) نے 'ڈاٹ ان' ڈومین پر رجسٹرڈ ڈومین کے ناموں کے لئے تمام 22 رسمی زبانوں میں مفت ڈومین کے نام فراہم کرنے کا اعلان کیا ہے۔
اس کے ساتھ ہی درخواست گزار کو اپنی زبان میں ایک مفت ای میل آئی ڈی بھی فراہم کی جائے گی۔
انہوں نے بتایا کہ وہ یہ پیش کش 'بھارت' ڈومین نام کو فروغ دینے اور مقامی زبانوں کی ترویج کے لیے شروع کی ہے۔ بھارتی زبانوں میں مفت ڈومین کے نام کی یہ پیش کش ان لوگوں کے لئے ہے جو 31 جنوری تک 'ڈاٹ ان' ڈومین پر نیا رجسٹریشن کرائیں گے۔
یہ بھی پڑھیں: حکومت ۔ کسانوں کے درمیان تعطل برقرار، آٹھویں دور کی میٹنگ بے نتیجہ ختم
نیز یہ پیش کش موجودہ صارفین کو اپنے ڈومین کے نام کی تجدید کرانے پر بھی دستیاب ہوگی۔
