مسٹر بھلا نے تمام ریاستوں اور مرکز کے زیر انتظام ریاستوں کو لکھے گئے خط میں کہا ہے کہ ایک درخواست کی سماعت کے دوران سپریم کورٹ نے فرضی خبروں کے سبب بڑھتی پریشانیاں اور اس سلسلہ میں مہاجر مزدورں کی وسیع سطح پر فرار کو سنجیدگی سے لیا ہے۔ کورٹ نے مانا کہ اس سے لوگوں کو بلاوجہ مشکلات کا سامنا کرنا پڑا ہے۔
کورٹ کے تبصرے کا نوٹس لیتے ہوئے مسٹر بھلا نے تمام ریاستوں اور مرکز کے زیر انتظام علاقوں سے فرضی خبروں کے پھیلاؤ کو روکنے کے لئے مؤثر اقدامات کرنے کو کہا ہے۔
انہوں نے کہا ہے کہ مرکزی حکومت لوگوں کو حقائق اورغیر توثیق شدہ خبروں کی تصدیق کی سہولت دینے کے لئے ایک ویب پورٹل تیار کر رہی ہے۔ انہوں نے ریاستوں سے بھی اسی طرح کے طریق کار اپنانے کو کہا ہے۔
قابل غور ہے کہ عدالت نے حکومتوں کو لاک ڈاؤن کے دوران لوگوں کو کھانا اور ادویات وغیرہ جیسی بنیادی ڈھانچے کے ساتھ ساتھ مہاجر مزدوروں کے لئے بنائے گئے شیلٹرز ہومز میں تمام بنیادی سہولت فراہم کرنے کی بھی ہدایت دی۔
