بھارت اپنا خلائی اسٹیشن تعمیر کرے گا

بھارت نے آئندہ برس جون تک سولر مشن اور دو تین سال میں زہرہ پر مشن بھیجنے اور اگلے ایک عشرے میں اپنا خلائی اسٹیشن قائم کرنے کا اعلان کیا ہے جس سے خلائی سائنس کے شعبہ میں ملک کے لیے ایک نئے عہد کی ابتدا ہوگی۔

بھارتی خلائی تحقیقی تنظیم (اسرو) کے سربراہ ڈاکٹر کے شیون نے میڈیا سے کہا کہ ’’ہم اپنا خود کا خلائی اسٹیشن قائم کرنے کا منصوبہ بنارہے ہیں انہوں نےبتایا کہ یہ بہت بڑا خلائی اسٹیشن نہیں ہوگا۔ یہ 20 ٹن وزن کا چھوٹا سا خلائی اسٹیشن ہوگا۔‘‘

واضح رہے کہ خلائی اسٹیشن خلا میں تیرتا ہوا تجربہ گاہ ہوتا ہے۔ اب تک چند ہی ممالک نے ہی خلا میں اپنا اسٹیشن تعمیر کیا ہے۔ بین الاقوامی خلائی اسٹیشن ان میں سب سے بڑا ہے جو امریکہ، جاپان، روس، یورپ اور کناڈا کی خلائی ایجنسیوں کا مشترکہ منصوبہ ہے۔

وہاں مستقل طور سے سائنسداں رہ کر تجربات کو انجام دیتے رہے ہیں۔ امریکہ، روس اور چین نے پہلے اپنا خود کا بین الاقوامی اسٹیشن تعمیر کیا تھا۔