وزیراعظم نریندر مودی 23 ستمبر کو نیویارک میں اقوام متحدہ کی ماحولیاتی کانفرنس سے ’کلائمٹ ایکشن سمٹ ۔ 2019‘ سے خطاب کریں گے۔
آب وہوا، جنگل اور ماحولیاتی تبدیلی کے وزیر پرکاش جاوڈیکر نے اس سے متعلق اطلاع فراہم دی۔
انہوں نے نامہ نگاروں بات کرتے ہوئے کہا کہ 'ماحولیاتی تبدیلی کے موضوع پر اقوام متحدہ کا خصوصی اجلاس منعقد ہو رہا ہے۔ وزیراعظم کی وہاں تقریریں ہوں گی۔ پیرس میں جو ہدف بھارت نے طے کیا تھا اسے پورا کیا ہے اور بہت ساری نئی پہل بھی کی ہیں۔ یہ ساری باتیں دنیا کے سامنے وہ رکھیں گے۔‘‘
انہوں نے کہا کہ وزیراعظم کی قیادت میں بھارت نے گاڑیوں اور ایندھن کے لیے بی ایس ۔ 6 پیمانہ کا نفاذ کرنے، جنگلوں کی توسیع، صنعتوں کو بہتر کرنے اور انرجی کی کھپت میں کمی کرنے اور الیکٹرانک گاڑیوں میں اضافہ کرنے کا کام کیا ہے۔
مرکزی وزیر نے بتایا کہ کانفرنس کے دیگر فورمز کی میٹنگ 21 ستمبر کو شروع ہوجائے گی۔ ان میں بھی بھارت حصہ لے گا اور اپنی دلیلیں پیش کرے گا۔ ان میں سال 2022 تک 100 میگاواٹ سولر انرجی اور 175 گیگاواٹ گرین انرجی کے ہدف کی سمت میں کیے گئے کاموں کو بھی پیش کیا جائے گا۔
اس کے بعد جاوڈیکر 25 سے 27 ستمبر تک ماسکو میں شنگھائی کوآپریشن کے آٹھ ممالک کی میٹنگ میں شرکت کرنے کے لیے روس جائیں گے۔ ا س میٹنگ میں اسمارٹ سٹی پر بات چیت ہوگی۔
وزیر ماحولیات نے بتایا کہ بھارت اس معاملے میں دنیا کی قیادت کررہا ہے۔
