ہنر ہاٹ نے اب تک 5 لاکھ 30 ہزار ہنرمندوں کو روزگار فراہم کیا: مختار عباس

دارالحکومت دہلی میں منعقد ہونے والا یہ 10 روزہ ہنر ہاٹ فیسٹیول لوکل ووکل کو ماس موومنٹ بنانے میں اہم کردار ادا کر رہا ہے۔ اس فیسٹیول میں ملک کی 31 ریاستوں سے 600 سے زائد دستکار اپنا سامان فروخت کرنے آئے ہیں۔

قومی دارالحکومت دہلی کے جواہر لعل نہرو اسٹیڈیم میں منعقد ہنر ہاٹ میں آج ایک پریس کانفرنس کا انعقاد کیا گیا جس میں وزیر برائے اقلیتی امور مختار عباس نقوی نے ایک پریس کانفرنس میں بتایا کہ اب تک ہنر ہاٹ میں تقریباً 12 لاکھ سے زائد افراد آ چکے ہیں۔ تاہم امید کی جا رہی ہے کہ آئندہ دنوں میں یہ تعداد 16 لاکھ تک پہنچ جائے گی۔

دارالحکومت دہلی میں منعقد ہونے والا یہ 10 روزہ ہنر ہاٹ فیسٹیول لوکل ووکل کو ماس موومنٹ بنانے میں اہم کردار ادا کر رہا ہے۔

اس فیسٹیول میں ملک کی 31 ریاستوں سے 600 سے زائد دستکار اپنا سامان فروخت کرنے آئے ہیں۔

پریس کانفرنس کے دوران مختار عباس نقوی نے کہا کہ ان کے ذریعے اب تک پانچ لاکھ 30 ہزار سے زیادہ دستکاروں کو ہنر ہاٹ کے ذریعے روزگار فراہم کیا گیا ہے۔ آزادی کے 75 برس مکمل ہونے پر ہنر ہاٹ کے ذریعے 7 لاکھ 50 ہزار دستکاروں کو روزگار کے نئے مواقع دیے جائیں گے۔

اس کے ساتھ ہی مختار عباس نقوی نے ہنر ہاٹ کو ای پلیٹ فارم کے ساتھ ہی گورنمنٹ کی ویب سائٹ پر دستیاب کرایا ہے تاکہ ملک اور بیرون ملک سے ہنر ہاٹ میں دلچسپی رکھنے والے افراد سیدھے دستکاروں کے بہترین سامان کو دیکھ کر اسے خرید سکتے ہیں۔