اس ہُنر ہاٹ فیسٹیول میں متعد ریاستوں اور مرکز کے زیر انتظام علاقوں سے 600 سے زائد دستکار اور خانساماؤں نے اپنی مصنوعات عوام تک پہنچائیں۔
ملکی دستکاری اور ہنر مندی کو آج ہاتھوں ہاتھ لیا جا رہا ہے جو فنکاری اب تک صرف گاؤں اور قصبوں تک ہی محدود تھی وہ ہُنر ہاٹ کے ذریعے ملک و بیرون ممالک دھوم مچا رہی ہیں۔
اسی طرح اقلیتی وزارت کے ذریعے شروع کردہ ہُنر ہاٹ پروگرام دستکاروں کے لیے ایک تحفہ ثابت ہو رہا ہے۔
مختلف دیسی اشیاء سے بنائے جانے والی چیزیں کپڑے اور ان پر کام، لکڑی کی اشیاء، بنارسی سِلک، پینٹنگ، چمڑے کی مصنوعات، کنوج کی اگر بتی، راجستھان کی کٹھ پُتلی اور قومی سطح کے دیگر فنکار بھی یہاں ملک کے مختلف حصوں سے اپنا سامان فروخت کرنے آئے۔
ہُنر ہاٹ میں دستکاروں کو نہ صرف مفت دکان فراہم کرائی جاتی ہیں بلکہ انہیں ٹی اے اور ڈی اے بھی دیا جاتا ہے۔
رواں فیسٹیول کو ملا کر اب تک ملک بھر میں 26 ہُنر ہاٹ فیسٹیول منعقد کیے جا چکے ہیں جس سے فنکاروں کے چہرے پر اطمینان کی لکیریں صاف ظاہر ہو رہی ہیں۔
