بارہویں کے امتحان اور ہبہ کا پہلا پرچہ تھا، جب اس کی ماں گزر گئی اور اب ہبہ حیدر رضوی نے 12 ویں میں 96.2 نمبرات حاصل کیے ہیں۔ ان کی والدہ عین امتحانات میں انتقال کرگئی تھیں۔
مرحومہ نے امتحانات کی تیاری میں ہبہ کی بہت مدد کی تھی۔ ہبہ کا کہنا ہے کہ اب جب کہ نمبرات جاری ہوئے ہیں، انہیں ان کی ماں بہت یاد آتی ہے۔
ہبہ حیدر رضوی کے جب نتائج آئے تو وہ خوش بھی تھیں اور غمگین بھی۔ اچھے نتائج آنے پر انہیں سکون ملا، مگر ان نتائج سے خوش ہونے والی ماں ان سے کافی دورچلی گئی ہیں۔
حالانکہ اتنا نمبر لانے والے طلبہ وطالبات کی ایک خطیر تعداد ہے، مگر ہبہ حیدر کے لئے یہ نمبرات بہت خاص ہیں۔
جب حبا علوم نفسیات کا پرچہ دے رہی تھیں تواس وقت ان کی والدہ کااچانک انتقال ہوگیا۔ غم و اندوہ کی اس گھڑ ی میں امتحانات کی تیاری کرنا اور پھر پرچہ دینا اس کے لئے کافی مشکل رہاہوگا۔
تاہم اس کے باوجود ہبہ نے تمام امتحانات مکمل کئے اور بہترین نمبرات حاصل کرنے میں کامیاب ہوئیں۔ حبہ نے علوم نفسیات میں 99، سوشیالوجی میں 97، انگریزی میں 94، جغرافیہ میں 94، اور پولیٹیکل سائنس میں 95 نمبر حاصل کیا ہے۔
