نئی دہلی، دہلی کی ایک خصوصی عدالت نے پیر کو دہلی کے وزیر صحت ستیندر جین کے خلاف منی لانڈرنگ کی روک تھام ایکٹ کے تحت درج مقدمے کی سماعت 18 اکتوبر تک ملتوی کر دی۔
مسٹر جین کی جانب سے کہا گیا کہ پرنسپل ڈسٹرکٹ اینڈ سیشن جج کم اسپیشل جج (پی سی ایکٹ) کے ذریعہ منتقلی کے حکم کو چیلنج کرنے والی عرضی کو دہلی ہائی کورٹ نے خارج کر دیا ہے۔Delhi Court Adjourns hearing on Satyendar Jain Case
مسٹر جین کے وکیل نے کہا کہ ہم نے دہلی ہائی کورٹ کے حکم کو سپریم کورٹ میں چیلنج کیا ہے اور اب عدالت عظمیٰ اس معاملے کو ایک خصوصی عدالت سے دوسری عدالت میں منتقل کرنے کی عرضی میں پریزنٹیشنزکو سننے پر راضی ہو گئی ہے۔ انہوں نے یہ درخواست کرتے ہوئے التوا کا مطالبہ کیا ہے کہ مسٹر جین کے معاملے کو مذکورہ عرضی کا نتیجہ دیکھنے کے لیے براہ کرم ملتوی کردیا جائے۔
خصوصی جج وکاس دھول نے مسٹر جین کی جانب سے عرضی پر سماعت کے بعد مزید کارروائی کے لیے معاملے کی سماعت 18 اکتوبر تک ملتوی کر دی۔ عدالت نے تہاڑ جیل کے سپرنٹنڈنٹ کو بھی 18 اکتوبر کو ملزمین ستیندر کمار جین، ویبھو جین اور انکش جین کو پیش کرنے کا حکم دیا۔
مزید پڑھیں:Money Laundering Case ستیندر جین کو راحت، منی لانڈرنگ کیس کی کارروائی پر روک
یو این آئی
