قومی دارالحکومت دہلی مرکزی وزیر صحت ڈاکٹر ہرش وردھن نے اہلیہ نوتن گوئل کے ساتھ دہلی ہارٹ لنگ انسٹی ٹیوٹ میں کورونا ویکسین کی پہلی خوراک لی۔
اس کے ساتھ ہی مرکزی وزیر روی شنکر پرساد ، مرکزی وزیر مملکت جی کشن ریڈی اور دیگر رہنماؤں نے بھی کورونا ویکسین کی پہلی خوراک لی۔
واضح رہے کہ دوسرا مرحلہ یکم مارچ سے ملک میں کورونا کے خاتمے کے لیے شروع ہوچکا ہے اور دوسرے مرحلے میں 60 برس سے زیادہ عمر کے لوگوں کو کورونا کی خوراک پلائی جارہی ہے۔
واضح رہے کہ سنگین نوعیت کی بیماریوں میں مبتلا 45 سال سے زیادہ عمر کے افراد کو بھی کورونا کی یہ دوا پلائی جارہی ہے۔
خیال رہے کہ ڈاکٹر ہرش وردھن نے پیر کو ہی لوگوں سے کورونا کا ٹیکہ لگوانے کی اپیل کی تھی۔
مرکزی وزیر صحت ڈاکٹر ہرش وردھن نے کہا کہ لوگوں کو کورونا کی خوراک سے گھبرانے کی ضرورت نہیں ہے۔
انہوں نے کہا کہ ویکسینیشن کے بعد ملک میں اموات کی شرح اب کم ہوگئی ہے۔
ڈاکٹر ہرش وردھن نے کہا کہ 'اگر ویکسینیشن کے بعد کوئی موت ہو جاتی ہے تو پھر اسے ویکسینیشن سے نہیں جوڑا جاسکتا ہے کیوں کہ ایسی ہر موت کی سائنسی طور پر تحقیقات کی جارہی ہیں۔
