اترپردیش حکومت کی محکمہ جاتی رپورٹ میں ڈاکٹر کفیل خان کو تمام الزامات سے بری کردیا گیا ہے۔
کلین چٹ سے خوش مگر اندیشہ برقرار : ڈاکٹر کفیل خان
ای ٹی وی بھارت کو موصولہ اطلاعات کے مطابق کفیل خان بچوں کی ہلاکت کے معاملے میں لاپرواہی، بدعنوانی اور ذمہ داری نہیں نبھانے کے الزام میں کالج سے معطل کر دیا گیا تھا، لیکن محکمہ جاتی انکوائری میں انہیں تمام الزامات سے بری کر دیا گیا۔
ڈاکٹر کفیل خان نے ای ٹی وی بھارت سے بات کرتے ہوئے کہا کہ انکوائری کی رپورٹ بہت پہلے آ چکی تھی، لیکن تقریبا 6 مہینے بعد یہ رپورٹ ان تک پہنچی ہے۔
انہوں نے مزید کہا کہ وزیراعلی یوگی آدتیہ ناتھ نے رپورٹ آنے کے بعد بھی مجھ پر الزامات لگائے اور کہا کہ ڈاکٹر کفیل خان نے کوئی مدد نہیں کی تھی جبکہ یہ رپورٹ ان تک بہت پہلے پہنچ گئی ہوگی۔
انہوں نے اس پورے معاملے میں ای ٹی وی بھارت سے تفصیلی بات چیت کی۔ ملاحظہ کریں یہ خاص انٹرویو----
