دہلی کے قصاب پورہ علاقے میں واقع گورنمنٹ گرلز سینئر سیکنڈری سکول نے نہ صرف بارہویں جماعت کے نتائج میں بہتر کامیابی حاصل کی ہے بلکہ دیگر سرگرمیوں میں بھی یہاں کے طلبا نے اپنے نقوش چھوڑے ہیں۔
اسکول کی 5 کامیاب طالبات نینسی، فاطمہ، کلثوم، توبہ، سدرہ انصاری نے اپنی کامیابی کا سہرااپنے اساتذہ کرام کے سر باندھا۔
طالبات نے اس کامیابی کا سہرا اپنے اساتذہ کے سر باندھا، اور کہا کہ ان کے ساتھ اساتذہ کرام نے محنت کی اور انہیں ترغیب دلائی کے وہ بہتر نتائج حاصل کرسکیں۔
ان کامیاب طالبات میں سے بیشتر مستقبل میں ٹیچر بننے کی خواہاں ہیں۔
ان کا کہنا ہے کہ جس طرح انہیں ان کے اساتذہ کرام نے تعلیم کے زیور سے آراستہ کیا ہے ویسے ہی وہ دوسرے طالب علموں کو تعلیم کے تئیں بیدار کرنا چاہتی ہیں۔
اس کے ساتھ انھوں نے اپنی کامیابی کے گر سکھاتے ہوئے بتایا کہ اگر کوئی کامیاب ہونا چاہتا ہے تو وہ ان باتوں پر غور کرے اور اپنی زندگی میں انہیں شامل کر لیں تاکہ وہ کامیابی کی منزل حاصل کر سکیں۔
اس برس دہلی کی ٹاپر رہی سنا نیاز نے نہ صرف اپنے والدین کا سر فخر سے اونچا کیا بلکہ اردو میڈیم سکولوں کو بھی سرفہرست میں لا کھڑا کیا۔
