بی جے پی صدر جے پی نڈا نے پارٹی کارکنان کےلیے ہدایت جاری کرتے ہوئے غریب افراد کوکھانا کھلانے کی اپیل کی جبکہ اس ہدایت کی وزیراعظم نے تائید کی ہے۔
نریندر مودی نے کہا کہ ’ہم پارٹی کی چالیس ویں یوم تاسیس منارہے ہیں جبکہ بھارت کورونا وائرس سے جنگ لڑ رہا ہے۔ میں بی جے پی کے کارکنوں کو جے پی نڈا کی جانب سے جاری ہدایت پر عمل کرتے ہوئے غریبوں کی مدد کرنے اور سوشیل ڈسٹنس کی اہمیت کواجاگر کرنے کی اپیل کرتا ہوں۔ آئیے بھارت کو کورونا سے پاک بنائیں‘۔
ندا نے کارکنوں پر زور دیا کہ وہ ضرورت مندوں کو کھانا مہیا کرائے، ماسک تقسیم کریں اور ہنگامی عملے کا شکریہ ادا کریں۔ انہوں نے کہا کہ ہمیں ہر حال میں سوشیل ڈسٹنس کو برقرار رکھنا چاہئے۔
بی جے پی صدر نے کارکنوں کو پی ایم کیر فنڈ میں لوگوں کو پیسے جمع کرانے کی ترغیب دینے کی بھی ہدایت دی۔
