مشرقی دہلی کے رکن پارلیمان گوتم گمبھیر نے پٹپڑ گنج اسمبلی سے بھارتیہ جنتا پارٹی کے امیدوار روی نیگی کے منڈاولی میں قائم انتخابی دفتر کا افتتاح کیا۔ اس موقع پر کارپوریشن کے سابق میئر بپن بہاری سنگھ اور متعدد کارپوریٹرز اور کارکنان موجود تھے۔
وہیں گوتم گمبھیر نے کہا کہ منیش سسودیا نے کارپوریشن انتخابات میں روی نیگی کی نامزدگی منسوخ کروایا تھا اور لوک سبھا انتخابات میں بھی ان کی نامزدگی منسوخ کروانے کی کوشش کی تھی۔ انہوں نے ان کو بدنام کرنے کی کوشش کی۔
گمبھیر نے کہا کہ منیش سسودیا اپنی پارٹی کی خواتین کارکنانں کا احترام نہیں کرتے ہیں۔ ایک نشست جیتنے کے لئے، انہوں نے خواتین کارکنان کی عزت کو داؤ پر لگا دی ہے۔
مزید پڑھیں: منیش سودیا کو دکھایا گیا سیاہ جھنڈا
انہوں نے بتایا کہ منیش سسودیا شراب مافیہ ہیں۔ اس نے دہلی میں شراب کے ٹھیکے کھولنے کا ہی کام کیا ہے۔
انہوں نے مزید کہا کہ ایک بار بھی نائب وزیر اعلی منیش سسودیا نے 'غازی پور لینڈ فیل سائٹ' کی حالت کا دورہ نہیں کیا، اب وہ انتخابات کے وقت اس پر سیاست کر رہے ہیں۔
