آزاد پور منڈی کے دکانداروں نے بتایا کہ سبزیوں کے ہول سیل قیمتوں میں فی کلو 5 سے 10 روپے کا اضافہ ہوا ہے۔ ایسی صورتحال میں سامان بازار سے ہی مہنگا ہو رہا ہے اور مارکیٹ میں جاکر اس کی قیمت مزید بڑھ رہی ہے۔ آلو اور ٹماٹر جیسی اعلی مانگ والی سبزیوں پر زیادہ اثر پڑا ہے۔
سبزی فروش ذیشان کا کہنا ہے کہ پہلے ٹماٹر جو 5 روپے کلوگرام تک فروخت ہوتا تھا اب وہ 50 روپے کلو تک فروخت کیا جارہا ہے۔ ٹماٹر دہلی میں دوسری ریاستوں سے آتا ہے۔ ایسی صورتحال میں ٹماٹر کی اصل قیمت پر نقل و حمل کی لاگت آتی ہے۔ ڈیزل مہنگا ہونے سے اس کا سیدھا اثر عام آدمی کو ہو رہا ہے۔ دوسری طرف فصلوں کی بربادی بھی اس کی ایک وجہ ہے۔ مارکیٹ میں اس کی قیمت 60 سے 80 تک پہنچ رہی ہے۔
دوسری طرف آلو کی قیمتوں نے بھی آسمان کو چھونے لگا ہے۔ ستیش کا کہنا ہے کہ ڈیزل پٹرول کی قیمت نے آلو کی قیمت کو متاثر کیا ہے۔
ان کا کہنا ہے کہ آزاد پور میں آلو کی قیمت 22 روپے فی کلو ہو رہی ہے۔ باہر یہی قیمت 28-30 تک ہے۔ وہ کہتے ہیں کہ اس سال قیمتیں متاثر ہوئی ہیں۔ انہوں نے کہا کہ دوسری سبزیوں کی حالت بھی یکساں ہیں
وہیں پٹرول اور ڈیزل کی بڑھتی قیمتوں کی بھی بہت مخالفت ہو رہی ہے۔ حال ہی میں دہلی کانگریس نے اس معاملے پر مرکزی حکومت اور دہلی کی عام آدمی پارٹی حکومت کے خلاف مظاہرہ کیا۔
مرکزی حکومت کے علاوہ دہلی حکومت کو بھی آڑے ہاتھ میں لیا جارہا ہے۔ کہا جارہا ہے کہ دہلی حکومت کو حال ہی میں پیٹرول اور ڈیزل پر لگے ہوئے ویٹ کو فوری طور پر واپس لینا چاہئے۔
