دہلی حکومت دہلی میٹرو اور ڈی ٹی سی بسوں میں خواتین کو کرایہ سے نجات دلانے کے لیے مفت سفر کی سوغات دیگی۔
دہلی کی خواتین نے اس فیصلے کی ستائش کی اور اس منصوبے کو عمل میں لانے کی خواہش ظاہر کی، تاکہ خواتین کو راحت ملے۔
خواتین کا کہنا تھا کہ یہ اسکیم ملازمت کرنے والی خواتین کے بہت فائدہ مند ثابت ہوگی، کیونکہ اُنکے اخراجات میں کمی آئے گی۔
چند خواتین کا کہنا تھا کہ یہ قدم خواتین کی حفاظت کے لیے سودمند ہے۔
متعدد خواتین نے اس سکیم پر سوال بھی اُٹھائے اور کہا یہ ووٹ حاصل کرنے کا حربہ ہو اور انتخابات کے بعد اسے نافذ ہی نہ کیا جائے۔
بسوں اور میٹروں میں کل 33 فیصد تک خواتین ہوتی ہیں۔ اس کے مطابق میٹرو میں خواتین کے مفت سفر پر تقریباً ایک ہزار کروڑ کا سالانہ خرچ ہوگا جبکہ تقریباً 200 کروڑ روپے کا خرچ بسوں کے حوالہ سے حکومت پر ہوگا۔
ایک اندازے کے مطابق خواتین کے دہلی میٹرو اور ڈی ٹی سی بسوں میں اس منصوبے کو لاگو کرنے میں دہلی حکومت کو تقریباً 700 کروڑ روپے کا خرچہ ہوگا۔
