مشرقی دہلی کے علاقے کھچڑی پور کے لال بہادر شاستری اسپتال میں فری کورونا ٹیسٹ کا اہتمام کیا گیا ہے۔ کوئی بھی مفت ٹیسٹ کے لئے دہلی کے مذکورہ سرکاری اسپتال میں جاسکتا ہے۔ لال بہادر شاستری اسپتال میں پی سی آر ٹیسٹ کے ذریعے کورونا کا ٹیسٹ کیا جارہا ہے۔
واضح رہے کہ دہلی میں کورونا کے بڑھتے ہوئے معاملے کے پیش نظر دہلی حکومت نے ٹیسٹنگ میں اضافہ کیا ہے۔ ہر روز دہلی حکومت تقریباً 20 ہزار لوگوں کا ٹیسٹ کر رہی ہے۔
وہیں دہلی میں اموات کی مجموعی تعداد 2680 ہوگئی ہے۔ جس کے بعد دہلی میں اب تک 56235 لوگ صحت یاب ہوئے ہیں اور کورونا کے 26246 فعال کیسز ہیں، جن میں ہوم آئیسولیشن میں 16329 مریض ہیں۔
کورونا انفیکشن کے پھیلاؤ کو روکنے کے لئے دہلی حکومت جانچ پر زور دے رہی ہے۔ گزشتہ 24 گھنٹوں میں 9619 آر ٹی پی سی آر ٹیسٹ ہوئے ہیں۔ تو وہیں گزشتہ 24 گھنٹوں میں 6538 اینٹیجن ٹیسٹ ہوئے ہیں۔
ساتھ ہی دہلی میں اب تک کل 514573 ٹیسٹ کئے جاچکے ہیں۔