امرتسر: ریاست پنجاب کے امرتسر اٹاری روڈ گھرندا چوک پر درد ناک سڑک حادثہ پیش آیا ہے جس میں چار نوجوانوں کی موت ہوگئی ہے جب کہ کچھ افراد شدید زخمی بتائے جارہے ہیں۔ اس حادثے کے بارے میں معلومات دیتے ہوئے دلجیت سنگھ نے بتایا کہ آٹو میں کل 12 نوجوان سوار تھے، جو کھاسہ کے ایک شیلر میں کام کرتے ہیں۔ انہوں نے بتایا کہ یہ تمام نوجوان نیستھا گاؤں کے رہنے والے ہیں۔ انہوں نے بتایا کہ یہ نوجوان اپنا کام ختم کر کے اپنے گھر واپس جا رہے تھے تبھی 180 کی رفتار سے آنے والی ورنا کار نے آٹو کو ٹکر مار دی۔ اس حادثے میں ایک نوجوان کی موقع پر ہی موت ہو گئی جب کہ دیگر نوجوانوں نے ہسپتال جاتے وقت راستے میں دم توڑ دیا۔ بقیہ نوجوانوں کی حالت تشویشناک بتائی جاتی ہے۔ Road Accident In Amritsar
امرتسر اٹاری روڈ گھرندا چوک پر سڑک حادثہ، چار نوجوان ہلاک
