ملک کے سابق وزیر اعظم اٹل بہاری واجپائی کو آج ان کی تیسری برسی پر خراج عقیدت پیش کیا جا رہا ہے۔ سابق وزیر اعظم کی یاد میں اٹل سمادھی میں پروگرام منعقد کیے جا رہے ہیں۔ اس پروگرام میں صدر رام ناتھ کووند، نائب صدر وینکیا نائیڈو، وزیر اعظم نریندر مودی، وزیر داخلہ امیت شاہ، بی جے پی صدر جے پی نڈا سمیت کئی رہنما موجود ہیں۔
آپ کو بتا دیں کہ سابق وزیر اعظم واجپائی کا 16 اگست 2018 کو دہلی کے ایمس ہسپتال میں انتقال ہوگیا تھا، انہیں سنہ 2015 میں بھارت کے اعلیٰ ترین شہری اعزاز بھارت رتن سے نوازا گیا تھا۔ اٹل بہاری واجپائی وہ واحد رہنما تھے جو جواہر لال نہرو کے بعد تین بار وزیر اعظم کے عہدے پر فائز رہے۔
پروگرام صبح .6:45 بجے اٹل سمادھی استھل 'سدیو اٹل' پر شروع ہوا جہاں وزیراعظم نریندر مودی اور صدر سمیت تمام قائدین نے انہیں خراج عقیدت پیش کیا۔
مزید پڑھیں:۔ یادگیر: ضلع بی جے پی دفتر میں منائی گئی سابق وزیراعظم کی برسی
وہیں اترپردیش کے دارالحکومت لکھنؤ میں وزیر اعلی یوگی آدتیہ ناتھ نے سابق وزیر اعظم کی برسی کے موقع پر منعقدہ پروگرام میں شرکت کی، یوگی آدتیہ ناتھ صبح 10 بجے لوک بھون میں سابق وزیر اعظم کے مجسمے کو گل پوشی کی۔
