مایا پوری علاقے میں ہائی ٹینش تار میں شعلے نکلنے کی وجہ سے اچانک آتشزدگی کا واقعہ پیش آیا۔ آگ لگنے کی وجہ سے اس جگہ پر واقع ایک چائے کی دکان جل کر خاکستر ہوگئی۔
فی الحال فائر بریگیڈ کی ٹیم موقع پر پہنچی اور آگ پر قابو پالیا گیا۔ اس دوران چائے کی دکان میں رکھے چھوٹے سلینڈر میں آگ لگ گئی جس کے وجہ سے چائے کی دکان کے مالک اور اس کی بیوی کے جھلس جانے کی خبر ہے۔
غنیمت ہے کہ وقت رہتے آگ پر قابو پالیا گیا ورنہ پاس میں ہی آئی جی ایل گیس کی پائپ لائن بچھانے کا کام جاری ہے۔ اگر آگ یہاں پہنچتی تو کوئی بڑا حادثہ پیش آسکتا تھا۔
