دہلی کے روہنی کورٹ میں شدید آگ سے افراتفری کا ماحول پیدا ہو گیا۔
دہلی کے روہنی کورٹ میں آتشزدگی
اطلاعات کے مطابق یہ آگ کورٹ کی تیسری منزل پر لگی ہے، تو وہیں آگ پر قابو پانے کی مسلسل کوشش کی جا رہی ہے.
اطلاعات کے مطابق یہ آگ تیسری منزل پر واقع کورٹ نمبر 315 میں لگی ہے۔ آگ کی وجہ سے کورٹ میں افراتفری مچ گئی۔ کورٹ کے کمرے میں آگ لگنے کے بعد چاروں طرف کافی دھواں دیکھا جارہا ہے۔
آگ بجھانے کے لیے فائر بریگیڈ کا عملہ کو بلایا گیا تھا ابھی فی الحال 9 گاڑیاں آگ پر قابو پانے کی کوشش میں لگی ہوئی ہیں۔
آگ لگنے کی وجہ کا ابھی تک پتہ نہیں چل سکا ہے، لیکن خیال کیا جارہا ہے کہ شارٹ سرکٹ کی وجہ سے آتشزدگی ہوئی ہے۔
وہیں لوگوں کو عدالت کے کمرے سے باہر لے جایا جارہا ہے اور فائر بریگیڈ عملہ آگ پر قابو پانے کی کوشش کر رہے ہیں۔
