دارالحکومت دہلی کے جیل میں کورونا وائرس کی وجہ سے دو اموات کے بعد تہاڑ جیل میں بزرگ قیدیوں کے دل کی دھڑکنیں بڑھ گئی ہیں۔
کورونا وائرس نے دہلی کی تینوں جیلوں کو اپنی زد میں لے لیا ہے۔ جہاں جیل کے عملہ سمیت بہت سے قیدی اس وائرس سے متاثر ہوئے ہیں۔
دہلی کی تینوں جیلوں میں کورونا انفیکشن کے 137 کیسزسامنے آئے ہیں۔ ان میں 84 جیل عملہ اور 53 قیدی شامل ہیں۔ ذرائع کے مطابق دہلی کی تین جیلوں میں 100 بزرگ قیدی بند ہیں، جن کی عمر 65 سال سے زیادہ ہے۔ کورونا سے پہلی بار منڈاؤلی جیل نمبر14 میں سینئر سٹیزن قیدی کور سنگھ کی موت ہو گئی تھی اور دوسری اسی بیرک میں قید سابق ایم ایل اے مہندر یادو کی موت ہوئی تھی۔
یہ بھی پرھیں: دہلی کی جیلوں میں قیدیوں کو اپنے وکلا سے بات کرنے کی ملی اجازت
تاہم تہاڑ جیل انتظامیہ نے جیل میں بڑھتے ہوئے انفیکشن کو روکنے کے لئے اینٹیجن ٹیسٹ شروع کردیا ہے۔ اس کے ساتھ ہی دیگر اقدامات بھی شروع کردیئے گئے ہیں۔ تاکہ کورونا انفیکشن کو جلد سے جلد پھیلنے سے روکا جاسکے۔
