'کسانوں سے بلا شرط بات کی جائے'

دہلی کے سنگھو بارڈر پر کسان تین دن سے لگاتار احتجاج کر رہے ہیں۔ ان سے ملنے کے لیے کسان رہنما یوگیندر یادو سنگھو بارڈر پہنچے۔ اس دوران انہوں نے ای ٹی وی بھارت سے کہا کہ حکومت تکبر اور ضد چھوڑے۔

دارالحکومت دہلی کے سنگھو بارڈر میں کسانوں سے ملنے کے لیے کسان رہنما یو گیندر یادو پہنچے۔ انہوں نے کسانوں سے ملاقات کی اور بتایا کہ حکومت نے جو مشروط بات کرنے کی تجویز رکھی ہے وہ کسانوں کو بالکل بھی گنوارا نہیں ہے۔

ساتھ ہی انہوں نے کہا کہ حکومت اگر اپنا تکبر اور ضد چھوڑ کر بات چیت کرے، تو کسان بات چیت سے راستہ نکالنے کو تیار ہے۔

کسان رہنما یو گیندر یادو نے کہا کہ حکومت اگر بغیر شرط کے ساتھ بات کرنے کے لیے آگے آتی ہے تو وہ بات چیت کرنے کو تیار ہیں۔ لیکن کسی بھی صورت حال میں حکومت سے مشروط بات چیت نہیں کی جائے گی اور جب تک حکومت اپنا تکبر اور ضد نہیں چھوڑتی تب تک سنگھو بارڈر کو کسان کھالی نہیں کریں گے۔

ساتھ ہی یوگیندر یادو نے کہا کہ جس طریقے سے ملک کے وزیر داخلہ نے کسانوں سے بات چیت کرنے کے لیے شرط رکھی ہے۔ جس میں ان کا کہنا ہے کہ پہلے کسان سنگھو بارڈر چھوڑ کر براڑی گراؤنڈ میں جائیں ، اس کے بعد ہی حکومت بار چیت کرے گی، اس شرط کو کسانوں نے خارج کر دیا ہے۔

کسانوں نے صاف کر دیا ہے کہ بات چیت کسی شرطوں پر نہیں بلکہ مسائل کے حل نکالنے کے لیے بغیر شرط بات چیت کی جائے گی۔ تبھی کچھ راستہ نکل پائے گا۔