سی اے اے، این آر سی اور این پی آر کے خلاف شاہین باغ میں احتجاج جاری ہے۔احتجاج شروع ہوئے تقریباً تین ماہ سے زیادہ کا عرصہ گزر چکا ہے لیکن خواتین کے جوش و جذبے میں کوئی کمی نہیں آئی ہے۔
احتجاج جاری ہونے کی وجہ سے نوئیڈا اور دہلی کو جوڑنے والی اہم شاہراہ اب بھی بند ہے اور پولیس نے سیکورٹی کا حوالہ دے کر کچھ علاقوں سے بیری کیڈنگ نہیں ہٹائی ہے۔
لیکن شاہین باغ کے 9 نمبر سےنوئیڈا جانے والی سڑک کی بیری کیڈنگ ہٹانے سےجامعہ، ابوالفضل انکلیو اور شاہین باغ کے لوگوں کو نوئیڈا اور جیت پور جانے میں کافی آسانی ہو گئی تھی، لیکن آہستہ آہستہ اس راستے میں بھی ٹریفک ہونے لگی۔
جس کے بعد لوگوں نے شاہین باغ پولیس اسٹیشن کے راستے سے شاہین باغ 6 نمبر روڈ سے گزر کر 9 نمبر کا سفر طئے کرتے ہوئے نوئیڈا پہنچ رہے ہیں۔ جبکہ نوئیڈا سے دہلی آنے والی روڈ اب بھی بند ہے۔
شاہین باغ پولیس اسٹیشن سے 9 نمبر کے روڈ تک بھاری ٹریفک ہونے سے مقامی لوگوں کو شدید مشکلات کا سامنا کرنا پڑ رہا ہے۔ اس وقت شاہین باغ 6 نمبر روڈ نے شاہراہ کی شکل اختیار کرلی ہے ۔بالخصوص صبح اور شام میں جام زیادہ رہتا ہے۔
یہ راستہ کھلنے سے فریدآباد اور دہلی سے نوئیڈا جانے والے لوگوں کو آسانی ہوئی ہے لیکن شاہین باغ کے لوگوں کو ٹریفک کی پریشانیاں سے دو چار ہونا پڑ رہا ہے۔
شاہین باغ میں پتلی پتلی گلیاں ہیں کوئی ایساسڑک موجود نہیں ہے جہاں دونوں جانب سے باآسانی گاڑیاں گزر سکیں ۔شاہین باغ کا 6نمبر روڈ کشادہ نہیں ہے، جس وجہ سے لوگوں کی مشکلات میں مزید اضافہ ہوا ہے۔
