نوح میوات کے اورنج زون میں شامل ہونے کی وجہ سے صبح 9 بجے سے 6 بجے تک دکانیں کھلی رکھنے کی ہدایت دی گئی ہے اس دوران سماجی دوری کا خصوصی خیال بھی رکھنا ہے۔
ڈی سی نوح پنکج یادو کی ہدایات پر طاق و جفت کے قانون کے ساتھ دکانیں صبح 7 بجے سے ایک بجے تک کھولی جارہیں تھیں لیکن عید الفطر سے ٹھیک پہلے یہ مہلت شام 6 بجے تک کر دی ہے۔
نوح پنکج یادو کی طرف سے جاری ہدایات کے مطابق بازار میں بھیڑ بالکل بھی نہیں ہونے دی جا سکتی ہے۔ دکانداروں کو ہدایت دی گئی ہے کہ خریدار سے مناسب دوری بنا کر رکھیں، دکانداروں کو دستانے پہنے رکھنا بھی ضروری قرار دیا گیا ہے۔
دکاندار کو یہ بھی یقینی بنانا ہوگا کہ اس کی دکان پر ایک وقت میں پانچ سے زیادہ لوگ نہ ہوں۔ گاڑی دکان کے آگے نہ کھڑی کرنے دیں۔ ہوٹل وغیرہ نہیں کھولی جا سکتی ہیں البتہ ہوم ڈلیوری کے لیے خدمات لی جا سکتی ییں۔
اس دوران بازار میں لاک ڈاؤن کے ضوابط کی خلاف ورزی بھی دیکھی گئی ہے۔ جفت - طاق کا قانون دکانوں پر نافذ ہے لیکن اس قانون کی خلاف ورزی بھی ہوتی ہے کارروائی کے لیے پولیس بازار میں گشت کرتی رہتی ہے۔
