کبھی بڑلا ہاؤس کے نام سے مشہور رہے گاندھی سمرتی بھون میں جاتے ہی ان کی یادیں تازہ ہو جاتی ہیں۔ یہاں مہاتما گاندھی نے اپنی زندگی کے آخری 144 دن گزارے تھے۔ ان کے آخری 144 دنوں کی یادیں یہاں موجود ہیں۔
ساتھ ہی وہ احساسات جو جسمانی طور پر شامل نہیں ہو سکتے ہیں انہیں یہاں تصاویر کے طور پر دکھایا گیا ہے۔
مہاتما گاندھی کو جب گولی ماری گئی، تو وہاں پر ونسینٹ سین نام کا ایک انگریز تھا۔ اس نے پرارتھنا سبھا کی جگہ تک مہاتما گاندھی کو آتے دیکھا تھا اور پھر ان کی قتل کا عینی شاہد بھی رہا۔
مہاتما گاندھی کی آخری وقت کی یادوں کو اس نے جس طرح بیاں کیا ہے، اسے یہاں تصویر فریم کے ذریعے دکھایا گیا ہے۔
اس کے ساتھ ہی مہاتما گاندھی کے آخری دیدار سے لے کر آخری سفر تک کی تصاویر بھی یہاں ہیں۔ کس طرح سے بابائے قوم مہاتما گاندھی کے آخری دیدار کے لیے انڈیا گیٹ پر لوگوں کا ہجوم امڈا تھا اور کس طرح راج گھاٹ میں ان کی آخری رسومات دیکھنے کے لیے لوگ پیڑ پر چڑھ گئے تھے، ان سب کا یہاں احساس کیا جا سکتا ہے۔
بھلے ہی گاندھی کا یہ بھارت 71 برسوں سے بغیر گاندھی کے چل رہا ہے لیکن گاندھی سمرتی میں اب بھی گاندھی کے احساس ہیں، جو حالیہ وقت میں بھی گاندھی کے تمام نطریات کو تازہ کرتے ہیں۔
