نئی دہلی: مشرقی دہلی کے پریت وہار علاقے میں بدمعاشوں نے جمعہ کی دیر شام جم آپریٹر کو گولی مار کر ہلاک کر دیا۔ اطلاع ملتے ہی پریت وہار تھانے کی ٹیم موقع پر پہنچ گئی اور تفتیش شروع کر دی۔ معاملے کی سنگینی کو دیکھتے ہوئے ضلع کے اعلیٰ پولیس افسران بھی موقع پر پہنچ گئے ہیں۔ مرنے والے جم آپریٹر کی شناخت 45 سالہ مہندر اگروال کے طور پر کی گئی ہے۔ Gym operator shot dead in Preet Vihar
متوفی مہیندر اگروال کئی جگہوں پر انرجی جم اینڈ اسپا کے نام سے جم اور اسپا چلاتے تھے۔ اس کے ساتھ ان کا جم میں استعمال ہونے والے آلات کا بھی کاروبار ہے۔ انرجی جم اینڈ سپا کا ہیڈ کوارٹر پریت وہار علاقے میں وکاس مارگ پر ایک عمارت کی پہلی منزل پر ہے۔ بیسمنٹ میں ایک جم بھی ہے۔ مہیندر اگروال جمعہ کی دیر شام تقریباً 8 بجے اپنے دفتر میں تھے جب ہتھیاروں سے لیس تین بدمعاش دفتر میں داخل ہوئے اور مہندر اگروال پر یکے بعد دیگرے تین گولیاں چلائیں۔ مہندر اگروال کے سر میں گولی لگی جس کی وجہ سے وہ موقع پر ہی دم توڑ دیے۔
