دہلی میں کنٹینٹمنٹ والے علاقے میں کسی بھی طرح کی چھوٹ نہیں دی گئی ہے اور وہ سبھی علاقے پوری طرح سیل رہیں گے۔
دہلی میں الیکٹرانک کی دوکانیں کھلی
دہلی حکومت کے حکم کے بعد ای ٹی وی بھارت نے کچھ دوکان داروں سے بات چیت کی ہے اور ان سے جاننے کی کوشش کی کہ کن ہدایات کے تحت دوکانیں کھل رہی ہیں۔
بات چیت کے دوران ایک دوکاندار نے بتایا کہ سوشل ڈیسٹنسنگ کو ذہن میں رکھتے ہوئے دوکانوں کو کھولا جا رہا ہے اور تمام ملازمین کو ماسک پہننا ضروری ہے۔
صبح 10 بجے سے لے کر دوپہر 2 بجے تک اور شام چار بجے سے 6 بجے تک دوکانوں کو کھولا جا رہا ہے۔ اس دوران سوشل ڈیسٹنسنگ کو ذہن میں رکھا جا رہا ہے اور لوگوں سے ماسک پہن کر آنے کی اپیل کی جا رہی ہے۔
دوکاندار نے بتایا کہ ابھی زیادہ گاہک نہیں آ رہے ہیں، لیکن امید ہے کہ گرمی میں اضافہ ہونے کے ساتھ گاہکوں کی تعداد میں اضافہ ہوگا۔
