جب سے اسمبلی انتخابات کا اعلان ہوا ہے، تب سے تمام سیاسی پارٹیاں انتخابی مہم میں مصروف ہیں۔ اسی کے ساتھ الیکشن کمیشن بھی پوری کوشش کر رہا ہے کہ انتخابی عمل میں کوئی غیر قانونی طریقہ اختیار نہیں کیا جاسکے۔
اپنی اس کوشش میں حاصل کامیابی کو عام کرتے ہوئے چیف چیف الیکشن آفیسر رنویر سنگھ نے بازیاب کروڑوں روپے اور شراب سمیت دیگر قابل اعتراض مواد کے بارے میں معلومات دی ہیں۔
انہوں نے کہا ہے کہ انتخابات کی تاریخ کے اعلان کے بعد سے اب تک 384 غیر قانونی اسلحہ اور تقریباً 1.63 کروڑ مالیت کی شراب ضبط کی جاچکی ہے۔ اس کے علاوہ 5592 لائسنس یافتہ اسلحہ بھی برآمد کیا گیا۔ ساتھ ہی اب تک تشدد کے تین واقعات درج کیے گئے جا چکے ہیں۔
انہوں نے کہا کہ دہلی پولیس ایکٹ کے تحت تقریباً 96355 افراد کے خلاف بھی کارروائی کی گئی ہے، جبکہ 6001 افراد کے خلاف ایکسائز ایکٹ کے تحت کارروائی کی گئی ہے۔
انہوں نے بتایا کہ 4.66 کروڑ مالیت کا منشیات برآمد کیے گئے۔ اس کے ساتھ ہی 27.77 کروڑ کا سونا۔ چاندی اور 7.91 کروڑ نقد رقم بھی ضبط کرلی گئی ہے۔
انہوں نے کہا کہ انتخابی اعلان کے بعد سے اب تک 808 ایف آئی آر درج کی جا چکی ہیں۔ ساتھ ہی 808 افراد کو بھی ایکسائز ایکٹ کے تحت گرفتار کیا گیا ہے۔
