ہریانہ کے مسلم اکثریتی علاقہ میوات کے بازاروں میں بھیڑ کافی کم ہے اور جو لوگ بازار آ رہے ہیں وہ بھی کنٹرول کے ساتھ خریداری کر رہے ہیں۔
بازاروں میں دوکان داروں کا کہنا ہے لاک ڈاؤن کے سبب پیدا ہوئے معاشی بحران کی وجہ سے خریداری میں 70 فیصدی تک کمی واقع ہو چکی ہے۔
کورونا وائرس، اندیشوں اور معاشی بحران کے درمیان عید قرباں
علماء کرام بھی کورونا وائرس کے چلتے عید قرباں کو احتیاط کے ساتھ منانے کی اپیل کر رہے ہیں۔نوح کے مفتی زاہد حسین نے کہا کہ قربانی گھروں میں کی جائے اور برادران وطن کا خیال کرتے ہوئے ادب کے ساتھ قربانی کا فریضہ انجام دیں۔
کورونا وائرس کے قہر کے درمیان عیدالاضحیٰ کے فرائض کو لیکر کئی اندیشے لوگوں کے سامنے ہیں۔اس طرح کی افواہیں بھی سامنے آرہی ہیں کہ عید قرباں کے سبب دوبارہ لاک ڈاؤن نافذ کیا جائے گا۔تاہم حکومتی ذرائع سے ایسی کسی بھی خبر کی اطلاع نہیں ہے۔
